ANG DIOS DAKILA KAY SA TAO

Isa sa malimit pinangangatuwiranan ng mga INC 1914 at ng mga Muslim kaya daw hindi Dios ang ating Panginoong Jesu Cristo dahil daw may kalikasan ito na hindi daw kalikasan ng Dios ito yong ang Panginoong Jesu Cristo ay NAGPAHINGA ,NATULOG , at NAPAGOD kaya sa paniniwala ito daw ang patunay na hindi siya tunay na Dios.

Dito makikita natin limitado ang pananaw ng mga INC 1914 at ng mga Muslim sa kaya gawin ng Dios sa kanila pag NAGPAHINGA ,NATULOG at NAPAGOD ito ay hindi na katangian ng Dios 

Lalabas nito na HINDI kaya gawin ng Dios ng mga INC 1914 at ng Mga Muslim ang MAGPAHINGA ,MATULOG ,AT MAPAGOD samakatuwid may HINDI MAGAGAWA o may HINDI KAYA GAWIN ang kanilang Dios .Ito yong MAGPAHINGA ,MATULOG at MAPAGOD na kaya naman gawin ng tao na kaniyang nilikha .

So Kung ganun anu ang kahigitan ng Dios sa tao kung ang Dios ay may hindi kaya gawin na kaya naman gawin ng tao na kanyang nilikha.

Hindi ito ang tunay na katangian ng isang tunay na Dios sapagkat ang tunay na Dios higit ang kakayahan sa tao na kanyang nilikha .may magagawa ang Dios na hindi kaya gawin ng tao pero walang gawa ang tao na mahirap sa Dios gawin ito ang katangian ng isang ganap na Dios.

Sapagkat ang Dios ay DAKILA kay sa TAO

"Narito, ako'y sasagot sa iyo, dito'y hindi ka ganap; sapagka't ang Dios ay dakila kay sa tao.(Job 33:12)

Siya ay isang Dakilang Dios na kakayahan gawin ay higit sa kaya gawin ng tao at walang kaya gawin ang tao na mahirap sa Dios sapagkat walang bagay na mahirap sa Dios.

May anomang bagay kayang napakahirap sa Panginoon? Sa tadhanang panahon ay babalik ako sa iyo, sa taong darating, at si Sara ay magkakaanak ng isang lalake.(Gen.18:14)

Dito maliwanag na walang bagay na mahirap sa Dios sapagkat ito ay hindi mahirap sa kanya at magaan lang ito sa kanyang paningin .

At ito'y isang bagay na magaan sa paningin ng Panginoon: kaniya rin namang ibibigay ang mga Moabita sa inyong kamay.(2 Mga Hari 3:18)

Ah Panginoong Dios! narito, iyong ginawa ang langit at ang lupa sa pamamagitan ng iyong malaking kapangyarihan, at sa pamamagitan ng iyong unat na kamay; walang bagay na totoong napakahirap sa iyo:(Jer.32:17)

"At pagtingin ni Jesus ay sinabi sa kanila, Hindi mangyayari ito sa mga tao; datapuwa't sa Dios ang lahat ng mga bagay ay mangyayari.(Mateo 19:26)

Sapagkat sa Dios ang lahat ng mga bagay ay mangyayari at walang bagay na totoong napakahirap sa kanya samakatuwid kaya gawin ng Dios ang anu mang naisin niyang gawin .hindi tulad ng dios ng mga INC 1914 at ng mga Muslim na limitado lang kaya gawin at ang mga bagay na simpleng gawin ay hindi pa kaya gawin ng dios nila .

Ito ang nakakahiyang kalagayan ng dios ng mga INC 1914 at ng mga Muslim isang dios na ang kakayahan ay limitado .

Ngayon ang tunay na Dios ay isang Dios na walang bagay na mahirap sa kanya sapagkat kung kaya gawin ng tao dakila ang Dios kay sa tao at higit ang kaya ng Dios sa nagagawa ng tao.

Kung kaya ng TAO magpahinga kaya din ito ng Dios.(Gen.2:3) ngunit hindi kaya ng tao ang hindi mag pahinga na kaya naman ng Dios .(Juan 5:17)

Kung kaya ng TAO matulog kaya rin ito ng Dios.(Awit 78:65) ngunit hindi kaya ng tao ang hindi matulog na kaya naman ito ng Dios.(Awit 121:4)

Kung kaya ng TAO mapagod kaya rin ito ng Dios.(Isaias 1:14)ngunit hindi magagawa ng tao ang hindi mapagod na siya namang kaya gawin ng Dios.(Isaias 40:28)

Dito makikita natin na lalong higit ang kakayahan ng Dios sa kakayahan ng tao sapagkat ang kaya ng tao kaya rin ng Dios na gawin at walang bagay na mahirap sa kanya ngunit ang kaya gawin ng Dios hindi magagawa ng tao sa lahat ng antas nakakahigit ang Dios sa kanyang nilikha .kaya mali ang sabihin na kaya napagpahinga ,natulog o napagod si Jesus ay dahil hindi siya Dios kasi maging ang Ganap na Dios ay may kakayahang magpahinga ,matulog at mapagod at ito ay hindi mahirap sa kanya.